Informacion mbi COVID-19

Klikoni këtu për njoftimet më të fundit për qytetarët amerikanë në Shqipëri.

Përditësuar për herë të fundit më date 06 maj 2022.

Duke filluar nga 6 dhjetori 2021, të gjithë pasagjerët e ajrit të moshës 2 vjeç e lart, pavarësisht nga statusi i vaksinimit apo shtetësia, duhet të japin prova të një testi negativ për COVID-19 të bërë jo më larg se një (1) ditë përpara fluturimit të tyre për në Shtetet e Bashkuara. Përndryshe, udhëtarët mund të sigurojnë dokumentacion nga një ofrues i licencuar i kujdesit shëndetësor se jeni të shëruar nga COVID-19 në 90 ditët para udhëtimit. Për më shumë informacion, ju lutemi vizitoni faqen e internetit të CDC dhe Pyetjet e Bëra Shpesh

Kufizimet e udhëtimit në BE

Më 30 gusht 2021, Këshilli Evropian i vendosi Shtetet e Bashkuara në “listën e kuqe” të COVID, duke rekomanduar kështu që vendet anëtare të BE të kufizojnë hyrjen për udhëtarët nga Shtetet e Bashkuara të cilët nuk mund të tregojnë prova të vaksinimit nga një vaksinë e miratuar nga BE, ose që nuk bëjnë pjesë në kategori të veçanta të përjashtuara. Ju lutemi vizitoni faqen e internetit të Këshillit Evropian për më shumë informacion. Nuk ka udhëzime specifike nëse shtetet anëtare të BE -së do të pranojnë kartat e vaksinave të CDC si dëshmi të vaksinimit.

Ndërsa ambasadat Amerikane përpiqen të japin informacionin të përditësuar për udhëtarët, udhëzimet ndryshojnë shpejt dhe shpesh. Nënshtetasit Amerikanë, përpara se të udhëtojnë, duhet t’i kushtojnë shumë vëmendje kufizimeve dhe kërkesave aktuale të hyrjes për secilin shtet anëtar të BE -së ku planifikojnë të hyjnë. Gjithashtu kontaktoni për më shumë detaje drejtpërdrejtë me linjat ajrore ose ofruesit e tjerë të transportit, përpara se të udhëtoni, për të ditur të rejat më të fundit mbi kërkesat e hipjes në avion dhe hyrjeve në secilin vend.

Informacion Specifik për Vendin:

  • Shqipëria ka konfirmuar raste COVID-19 brenda kufijve të saj.
  • Fluturimet u rikthyen në Shqipëri.  Ne ju rekomandojmë që të kontaktoni kompaninë ajrore në lidhje me çdo kufizim të hipjes që mund të jetë në vend, veçanërisht për çdo udhëtar që kalojnë transit zonën Shengen, pasi rrethanat mund të ndryshojnë me shpejtësi dhe transportuesit ajrorë kanë vendimin përfundimtar se kush do të hipi ose jo në avionët e tyre.
  • Duke filluar nga 1 maji 2022, Qeveria e Shqipërisë shfuqizoi kërkesat e hyrjes në lidhje me COVID-19. Udhëtarëve në Shqipëri nuk u kërkohet të paraqesin dëshmi të vaksinimit, një test PCR negativ ose dokumentacion të rikuperimit nga COVID-19 për të hyrë në Shqipëri. Qeveria e Shqipërisë shfuqizoi gjithashtu shumë masa të shëndetit publik në lidhje me COVID-19 brenda vendit. Nuk ka kufizime në lëvizjen publike, dhe baret dhe restorantet mund të funksionojnë në çdo kohë të ditës. Megjithatë, ne rekomandojmë që të gjithë shtetasit e SHBA-së të udhëtojnë me dokumentacionin më të fundit zyrtar të vaksinimit të tyre kundër COVID (ose vërtetimin e rikuperimit), pasi mund ta kërkojnë biznese individuale ose mund t’u kërkohet në pikat e tranzitit gjatë rrugës për/nga Shqipëria.

 Testimi për COVID-19:

  • A janë testet e PCR dhe/ose antigjenit në dispozicion për nënshtetasit e SHBA-së në Shqipëri? Po
  • Nëse është kështu, a janë rezultatet e testit të disponueshme brenda një ditë? Po
  • Testi PCR për Covid-19 në Aeroport:
    • Tirana International Airport ofron një test PCR për Covid-19 për udhëtarët. Për më shumë informacion, vizitoni faqen e tyre të internetit.
  • Laboratorët e Shëndetit Publik:
    • Aktualisht, në mënyrë që të testohesh për COVID-19 nga autoritetet Shqiptare të shëndetit publik duhet të keni simptoma dhe një rekomandim nga mjeku i familjes. Sidoqoftë, laboratorët privatë të testimit do të kryejnë testet kundrejtë një tarife dhe nuk kërkojnë simptoma ose rekomandime të mjekëve (shih detajet më poshtë).
    • Nëse keni një numër Shqiptar të sigurimeve shoqërore, ju gjithashtu keni një mjek të familjes në dispozicion.
    • Për të mësuar se kush është mjeku juaj i familjes, telefononi linjën jeshile në numrin 0-800-4040.
    • Testet janë falas nëse bëhen nga Instituti Shqiptar i Shëndetit Publik (ISHP).
  • Laboratorët Privatë:
    • Ju gjithashtu mund të bëni testime privatisht duke shkuar në një laborator privat të licensuar. Asnjë simptomë ose urdhër i mjekut nuk kërkohet për të bërë testin ose testet privatisht.
    • Sipas Ministrisë Shqiptare të Shëndetësisë dhe Mbrojtjes Sociale, ka disa laboratorë privatë të autorizuar për të kryer testime SARS-CoV-2 për çështje administrative. Për një listë të plotë, ju lutemi shihni listën e Ministrisë së Shëndetësisë këtu.
  • Përgjigjet e rezultateve merren me letër të printuar dhe firmosur nga laboratori brenda 24 deri në 72 orë.  Ju mund të kërkoni një metodë tjetër të dorëzimit (p.sh.: email ose tekst) nga laboratorët nëse ata e kanë si proces.
  • Qëndroni në shtëpi dhe kontaktoni Qendrën Kombëtare të Urgjencës Mjeksore në numrin 127 nëse besoni se keni marrë virusin COVID-19.
  • Prisni për udhëzimet përpara se të shkoni në një institucion mjeksor.
  • Për më shumë informacion telefononi numrin e gjelbër 0-800-4040.
  • Vizitoni faqen e internetit të Ministrisë së Shëndetësisë dhe Mbrojtjes Sociale dhe të Institutit të Shëndetit Publik për më shumë informacion.
  • Për informacion mbi përjashtime nga ky rregull me bazë humanitare, lexoni këtu.

 Informacion mbi Vaksinat e COVID-19:

  • A ka miratuar qeveria e Shqipërisë një vaksinë COVID-19 për përdorim? Po
  • A janë të disponueshme vaksinat për nënshtetasit Amerikanë në Shqipëri? Po
  • Cilat vaksina janë të disponueshme në Shqipëri?
    • Sipas autoriteteve shëndetësore Shqiptare, qeveria aktualisht po administron vaksinat Fizer-BioNTek, AstraZeneka-Oksford, Gamaleja dhe Sinovak.
    • Deri më tani Shqipëria ka administruar mbi 1,500,000 doza vaksinash.
    • Në këtë kohë nënshtetasit Amerikanë apo edhe shtetasit e tjerë të huaj nuk kanë të drejtë të marrin një vaksinë në Shqipëri nëse nuk kanë një leje qëndrimi shqiptare, një numër të sigurimeve shoqërore shqiptare dhe nuk janë regjistruar në sistemin shëndetësor kombëtar.  Nëse keni një leje qëndrimi dhe një numër shqiptar të sigurimeve shoqërore, mund të regjistroheni për detaje në lidhje me procesin e vaksinimit në e-albania.al.  Pasi të regjistroheni do të kontaktoheni me më shumë informacion në lidhje me marrjen e vaksinës.
  • Vizitoni faqen e internetit të FDA për të mësuar më shumë rreth vaksinave të miratuara nga FDA në SHBA.
  • Qeveria e Shteteve të Bashkuara të Amerikës (SHBA) nuk ka në plan të sigurojë vaksinime COVID-19 për nënshtetasit e SHBA-së jashtë territorit të SHBA-ve.  Ju lutemi ndiqni zhvillimet dhe udhëzimet e vendit pritës për vaksinimin COVID-19.

 Kërkesat e Hyrjes dhe Daljes:

  • A u lejohet nënshtetasve Amerikanë të hyjnë në Shqipëri? Po.
    • Ne rekomandojmë që të kontaktoni kompaninë ajrore përsa i përket pengesave që ata mund të kenë për hypjen në avion, sepse linjat ajrore marrin vendimin përfundimtar nëse do ju lejojnë për të hipur në avion ose jo.
  • A kërkohet dëshmi të kryerjes së testit COVID-19 për të hyrë në Shqipëri? Jo.
    • Duke filluar nga 1 maj 2022, Qeveria e Shqipërisë shfuqizoi kërkesat e hyrjes në lidhje me COVID-19.
  • A ka kontrolle shëndetësore në aeroport apo pikat e tjera kufitare? Jo.
  • Për informacion mbi kërkesat e hyrjes/daljes, ju lutemi vizitoni faqen tonë në internet “Hyrja dhe Qëndrimi në Shqipëri”.
  • Kufijtë tokësorë të Shqipërisë janë të hapura tashmë, por disa vende fqinje kanë kushte të ndryshme që mund të kenë ndikim për nënshtetasit Amerikanë. Nëse dëshironi të udhëtoni në njërin prej vendeve fqinje me Shqipërinë, ju sugjerojmë të lexoni faqen e internetit të Ambasadave Amerikane përkatëse për më shumë informacion mbi këto kufizime për qytetarët Amerikanë:
    — Faqja e internetit e Ambasadës Amerikane në Kosovë.
    — Faqja e internetit e Ambasadës Amerikane në Mal të Zi.
    — Faqja e internetit e Ambasadës Amerikane në Maqedoninë e Veriut.
    — Faqja e internetit e Ambasadës Amerikane në Greqi.
    — Faqja e internetit e Ambasadës Amerikane në Itali.

Kufizimet e Lëvizjeve:

  • A ka ndalim-qarkullimi? Jo.
  • A ka kufizime për të udhëtuar nëpërmjet bashkive apo rretheve? Jo.

 Informacion mbi Karantinimin:

  • A u duhet nënshtetasve Amerikanë të karantinohen? Jo.
    • Nuk ka ndonjë rregull të përgjithshëm në lidhje me karantinimin (vetë-izolimin) e udhëtarëve që hyjnë në Shqipëri në këtë kohë.
    • Vetë-izolimi mund të aplikohet vetëm në raste të veçanta kur urdhërohet nga autoritetet e shëndetësisë, si më lart.

 Mundësitë e Transportit:

  • A ka linja ajrore komerciale që operojnë në Shqipëri? Po.
    • Fluturimet komerciale kanë refilluar të vijnë në Shqipëri më datë 15 qershor 2020.
    • Mbajtësit e vizave që dëshirojnë të udhëtojnë në SHBA duhet të lexojnë për kushtëzimet këtu për më shumë informacion.
    • Ne rekomandojmë që të kontaktoni kompaninë ajrore përsa i përket pengesave që ata mund të kenë për hypjen në avion, sepse linjat ajrore marrin vendimin përfundimtar nëse do ju lejojnë për të hipur në avion ose jo.
  • A po operon transporti publik? Po.

 Shërbimet Konsullore:

  • Shërbimet për Nënshtetasit Amerikanë:
    • Që prej datës 2 dhjetor 2020, Ambasada e SHBA-së në Tiranë ka filluar të ofrojë shërbime të kufizuara për nënshtetasit Amerikanë, ku përfshihen:
      — Rinovimet e pasaportave,
      — Raportet Konsullore të Lindjes Jashtë SHBA-së (CRBA), dhe
      — Noterizimet.
    • Koha e pritjes për të caktuar një takim mund të zgjasë më shumë se zakonisht.
    • Për më shumë informacion se si të caktoni një takim për shërbimet e listuara më lart, ju lutemi vizitoni faqen tonë të internetit.
    • Nëse kërkoni ndonjë shërbim emergjent, na shkruani me detaje në adresën ACSTirana@state.gov.
  • Vizat Imigruese:
    • Që prej datës 24 shkurt 2021, Ambasada e SHBA-së në Tiranë ka rifilluar shërbimet e vizave imigruese për të gjitha kategoritë e këtyre vizave.
    • Mundësia për të caktuar një takim do të vazhdojë të jetë shumë e kufizuar për shkak të marrjes së masave për të siguruar shëndetin dhe mirëqënien e punonjësve të ambasadës, si dhe atyre që u shërbejmë.
    • Aplikantët e vizave të imigrimit do të kontaktohen menjëherë sapo t’u caktohet një datë interviste.
  • Viza joemigruese:
    • Nga 8 nëntori 2021, Ambasada e SHBA-së rifilloi shërbimet e kufizuara për të gjitha kategoritë e vizave joemigruese.
    • Numri i takimeve të vëna në dispozicion do të vazhdojë të jetë shumë i kufizuar për shkak të kufizimeve të burimeve dhe ndikimit të vazhdueshëm të pandemisë Covid-19.
    • Koha e pritjes mbetet më e gjatë se normalja.
    • Ju lutemi vazhdoni të monitoroni faqen tonë të internetit për përditësime.

 Burimet Lokale: