Informacion mbi COVID-19

Klikoni këtu për njoftimet më të fundit për qytetarët amerikanë në Shqipëri.

Përditësuar për herë të fundit më datë 16 janar 2021.  Të rejat më të fundit me të zezë.

*** Duke filluar nga data 26 janar 2021, të gjithë pasagjerët e linjave ajrore që udhëtojnë për në Shtetet e Bashkuara të Amerikës (SHBA) të moshës dy vjeç e lart duhet të paraqesin një vërtetim me shkrim (në Anglisht) që nuk kanë virusin SARS-CoV-2 (COVID-19),  Vërtetimi duhet të jetë i lëshuar jo më herët se tre ditë kalendarike nga dita e udhëtimit.  Si alternativë, udhëtarët për në SHBA, mund të paraqesin dokumentacion nga një institucion shëndetësor të licensuar se janë shëruar nga COVID-19 në 90 ditët që i paraprinë udhëtimit. Kontrolloni faqen e internetit të Qendrave të Konstrollit dhe Parandalimit të Sëmundjeve (CDC) për informacion më të detajuar.

Informacion Specifik për Vendin:
  • Shqipëria ka konfirmuar më shumë se 67,000 raste COVID-19 brenda kufijve të saj.
  • Fluturimet u rikthyen në Shqipëri më 15 qershor 2020. Duke filluar nga data 22 dhjetor 2020, qeveria Shqiptare ka pezulluar të gjitha fluturimet për dhe nga Britania e Madhe deri më datë 6 janar 2021.  Lufthansa dhe Austrian Airlines vazhdojnë me numër të ulur fluturimesh javore për dhe nga Tirana deri në një vendim të dytë.  Ne ju rekomandojmë që të kontaktoni kompaninë ajrore në lidhje me çdo kufizim të hipjes që mund të jetë në vend, veçanërisht për çdo udhëtar që tranziton zonën Shengen, pasi rrethanat mund të ndryshojnë me shpejtësi dhe transportuesit ajrorë kanë vendimin përfundimtar se kush do të hipi ose jo në avionët e tyre.
  • Qeveria e Shqipërisë ka njoftuar (të rejat në fillim):
    • Ministria e Shëndetësisë ka përditësuar oraret e kufizimit të lëvizjeve e cila hyn në fuqi duke filluar nga data 1 janar 2021.  Do të ketë një mbyllje nga ora 22:00 deri më 6:00 të mëngjesit. Baret, restorantet, fast-food, lokalet, që ofrojnë shërbim për klientët kufizohen nga ora 22:00 deri në orën 6:00 të mëmgjesit, duke përjashtuar shërbimin në banesë, apo shërbimet e emergjencës.  Portali e-Albania duhet të përdoret që të kërkohet leje për të lëvizuar brenda këtij orari.
    • Qeveria Shqiptare ka pezulluar të gjitha fluturimet për dhe nga Britania e Madhe deri më datë 6 janar 2021.  Do të ketë vetëkarantinim të detyrueshëm për 14 ditë për të gjithë shtetasit që hyjnë në Shqipëri përmes rrugëve ajrore, tokësore dhe detare, dhe kanë nisur udhëtimin e tyre nga Britania e Madhe.
    • Duke filluar nga data 11 nëntor 2020,
      — Administrata publike do të punojë nga shtëpia; përveç atyre që ofrojnë shërbime thelbësore.
    • Duke filluar nga data 15 tetor 2020:
      — Mbajtja e maskës është e detyrueshme në Shqipëri për çdo individ nga mosha 11 vjeç e sipër, në hapësira të mbyllura dhe të hapura.
      — Moszbatimi i këtij rregulli dënohet me gjobë prej 3,000 Leke.
    • Duke filluar nga data 1 qershor 2020:
      — Parashkollorët dhe kopshtet e fëmijëve janë rihapur.
      — Anulimin e të gjitha ngjarjeve kulturore dhe grumbullimet publike për një kohë të pacaktuar.
      — Ngjarjet sportive kanë rifilluar por pa praninë e spektatorëve.
      — Qendrat tregtare dhe dyqanet janë hapur por me kushte të rrepta mbi distancimin shoqëror.
      — Floktoret dhe dentistët janë të hapur me kushte të rrepta mbi distancimin shoqëror.
      — Restorantet dhe kafenetë janë rihapur.
      — Të gjitha aktiviteteve nëpër qendra të mbyllura për fëmijët, palestrat, qendrat sportive, pishinat, internet-kafetë, qendrat kulturore dhe zbavitëse janë rihapur.
      — Plazhet janë rihapur.
      — Ushtrimet sportive jashtë ambjenteve të mbyllura lejohen.
      — Libraritë dhe muzeumet janë të hapura.
      — Shërbimi urban ka rinisur.
      — Të gjithë kufijtë detarë dhe ajror janë rihapur.
Testimi për COVID-19:
  • A janë testet e PCR dhe/ose antigjenit në dispozicion për nënshtetasit e SHBA-së në Shqipëri? Po
  • Nëse është kështu, a janë rezultatet e testit të disponueshme brenda 72 orësh? Po
  • Laboratorët e Shëndetit Publik:
    • Aktualisht, në mënyrë që të testohesh për COVID-19 nga autoritetet Shqiptare të shëndetit publik duhet të keni simptoma dhe një rekomandim nga mjeku i familjes. Sidoqoftë, laboratorët privatë të testimit do të kryejnë testet kundrejtë një tarife dhe nuk kërkojnë simptoma ose rekomandime të mjekëve (shih detajet më poshtë).
    • Nëse keni një numër Shqiptar të sigurimeve shoqërore, ju gjithashtu keni një mjek të familjes në dispozicion.
    • Për të mësuar se kush është mjeku juaj i familjes, telefononi linjën jeshile në numrin 0-800-4040.
    • Testet janë falas nëse bëhen nga Instituti Shqiptar i Shëndetit Publik (ISHP).
  • Laboratorët Privatë:
    • Ju gjithashtu mund të bëni testime privatisht duke shkuar në një laborator privat të licensuar.  Asnjë simptomë ose urdhër i mjekut nuk kërkohet për të bërë testin ose testet privatisht.
    • Sipas një note zyrtare të Ministrisë së Shëndetësisë dhe Mbrojtjes Sociale, gjashtë laboratorë privatë janë licensuar për të kryer testin për COVID-19 për çështje administrative:
      American Laboratory Network (Tel: +355 4 222 5640)
      Genius Lab (Cell: +355 69 303 3026)
      German Hospital International (Cell: +355 67 200 4282)
      Intermedica (Tel: +355 4 220 0600)
      Noval Diagnostic (Cell: +355 68 804 2045)
      SALUS Lab (Cell: +355 68 205 3180)
    • Aktualisht, kostoja mesatare e testimit është: (PCR = 8,500 lekë ose ~ 85 USD) – (Antigjeni = 4,000 lekë ose ~ 40 USD). Rekomandohet që të konatktoni laboratorët për më shumë informacion mbi kostot.
  • Përgjigjet e rezultateve merren me letër të printuar dhe firmosur nga laboratori brenda 24 deri në 72 orë.  Ju mund të kërkoni një metodë tjetër të dorëzimit (p.sh.: email ose tekst) nga laboratorët nëse ata e kanë si proces.
  • Qëndroni në shtëpi dhe kontaktoni Qendrën Kombëtare të Urgjencës Mjeksore në numrin 127 nëse besoni se keni marrë virusin COVID-19.
  • Prisni për udhëzimet përpara se të shkoni në një institucion mjeksor.
  • Për më shumë informacion telefononi numrin e gjelbër 0-800-4040.
  • Vizitoni faqen e internetit të Ministrisë së Shëndetësisë dhe Mbrojtjes Sociale dhe të Institutit të Shëndetit Publik për më shumë informacion.
Informacion mbi Vaksinat e COVID-19:
  • A ka miratuar qeveria e Shqipërisë një vaksinë COVID-19 për përdorim? Po
  • Qeveria e Shteteve të Bashkuara të Amerikës (SHBA) nuk ka në plan të sigurojë vaksinime COVID-19 për nënshtetasit e SHBA-së jashtë territorit të SHBA-ve.
  • Ju lutemi ndiqni zhvillimet dhe udhëzimet e vendit pritës për vaksinimin COVID-19.
  • Shqipëria mori 975 doza të para të vaksinave SARS-CoV-2. Sipas Ministres së Shëndetësisë dhe Mbrojtjes Sociale, Znj. Ogerta Manastirliu, rreth pesëdhjetë personel mjekësor që punojnë në spitalet COVID-19 në Tiranë morën dozat e para të vaksinave të hënën më datë 11 janar 2021. Vaksina është falas dhe personeli mjekësor në të katër spitalet COVID-19 në Tiranë dhe spitalet e tjera rajonale do të jenë të parët që do të marrin vaksinat.
  • Sipas autoriteteve shëndetësore Shqiptare, qeveria ka kontraktuar për të marrë 500,000 doza të vaksinës Pfizer-BioNTech, nga të cilat 10,000 të parat do të mbërrijnë së shpejti.
  • Vizitoni faqen e internetit të Ministrisë së Shëndetësisë dhe Mbrojtjes Sociale dhe të Institutit të Shëndetit Publik për më shumë informacion.
  • Këtu ka informacion nga CDC në lidhje me vaksinimin COVID-19.
Kërkesat e Hyrjes dhe Daljes:
  • A u lejohet nënshtetasve Amerikanë të hyjnë në Shqipëri? Po.
    • Fluturimet komerciale kanë refilluar të vijnë në Shqipëri më datë 15 qershor 2020.
    • Duke filluar nga data 22 dhjetor 2020, qeveria Shqiptare ka pezulluar të gjitha fluturimet për dhe nga Britania e Madhe deri më datë 6 janar 2021. Lufthansa dhe Austrian Airlines vazhdojnë me numër të ulur fluturimesh javore për dhe nga Tirana deri në një vendim të dytë.  Ne rekomandojmë që të kontaktoni kompaninë ajrore përsa i përket pengesave që ata mund të kenë për hypjen në avion, sepse linjat ajrore marrin vendimin përfundimtar nëse do ju lejojnë për të hipur në avion ose jo.
  • A kërkohet dëshmi të kryerjes së testit COVID-19 për të hyrë në Shqipëri? Jo.
  • A ka kontrolle shëndetësore në aeroport apo pikat e tjera kufitare? Po.
    • Shqipëria ka rritur numrin e personelit shëndetësor nëtë gjitha pikat e hyrjes.
    • Janë zgjaruar masat e marra për kontrollin dhe karantinën. Udhëtarët duhet të përgatiten për kufizime të udhëtimeve që mund të vihen në fuqi nga momenti-në-moment. Vizitoni faqen e internetit të Ministrisë së Shëndetësisë dhe Mbrojtjes Sociale dhe të Institutit të Shëndetit Publik për informacion shtesë në lidhje me këto masa.
  • Për informacion mbi kërkesat e hyrjes/daljes, ju lutemi vizitoni faqen tonë në internet “Hyrja dhe Qëndrimi në Shqipëri”.
  • Kufijtë tokësorë të Shqipërisë janë të hapura tashmë, por disa vende fqinje kanë kushte të ndryshme që mund të kenë ndikim për nënshtetasit Amerikanë. Nëse dëshironi të udhëtoni në njërin prej vendeve fqinje me Shqipërinë, ju sugjerojmë të lexoni faqen e internetit të Ambasadave Amerikane përkatëse për më shumë informacion mbi këto kufizime për qytetarët Amerikanë:
    Faqja e internetit të ambasadës Amerikane në Kosovë.
    Faqja e internetit të ambasadës Amerikane në Mal të Zi.
    Faqja e internetit të ambasadës Amerikane në Maqedoninë e Veriut.
    Faqja e internetit të ambasadës Amerikane në Greqi.
Kufizimet e Lëvizjeve:
  • A ka ndalim-qarkullimi? Po.
    • Duke filluar nga data 1 janar 2021, oraret e kufizuara për lëvizje do të jenë nga ora 22:00 deri në 6:00 të mëngjesit.
  • A ka kufizime për të udhëtuar nëpërmjet bashkive apo rretheve? Jo.
Informacion mbi Karantinimin:
  • A u duhet nënshtetasve Amerikanë të karantinohen? Jo.
    • Do të ketë vetëkarantinim të detyrueshëm për 14 ditë për të gjithë shtetasit që hyjnë në Shqipëri përmes rrugëve ajrore, tokësore dhe detare, dhe që kanë nisur udhëtimin e tyre nga Britania e Madhe.
    • Nuk ka ndonjë rregull të përgjithshëm në lidhje me karantinimin (vetë-izolimin) e udhëtarëve që hyjnë në Shqipëri në këtë kohë. Vetë-izolimi mund të aplikohet vetëm në raste të veçanta kur urdhërohet nga autoritetet e shëndetësisë, si më lart.
    • Vendi zyrtar i izolimit dhe trajtimit është krijuar në Spitalin e Sëmundjeve Infektive në Spitalin Universitar “Nënë Tereza”. Qendra Kombëtare e Urgjencës Mjekësore është përgjegjëse për transferimin fizik të të gjithë pacientëve që dyshohet se janë të infektuar nga virusi. Asnjë spital privat nuk është i autorizuar të trajtojë rastet e COVID-19. Nuk ka informacion zyrtar të disponueshëm për kohëzgjatjen e vetë-izolimit.
Mundësitë e Transportit:
  • A ka linja ajrore komerciale që operojnë në Shqipëri? Po.
    • Fluturimet komerciale kanë refilluar të vijnë në Shqipëri më datë 15 qershor 2020.
    • Duke filluar nga data 22 dhjetor 2020, qeveria Shqiptare ka pezulluar të gjitha fluturimet për dhe nga Britania e Madhe deri më datë 6 janar 2021.  Lufthansa dhe Austrian Airlines vazhdojnë me numër të ulur fluturimesh javore për dhe nga Tirana deri në një vendim të dytë.  Ne rekomandojmë që të kontaktoni kompaninë ajrore përsa i përket pengesave që ata mund të kenë për hypjen në avion, sepse linjat ajrore marrin vendimin përfundimtar nëse do ju lejojnë për të hipur në avion ose jo.
    • Nënshtetasve Amerikanë që po kthehen në SHBA u lejohet të tranzitojnë vetëm një herë në vendet e zonës Shengen.
    • Mbajtësit e vizave që dëshirojnë të udhëtojnë në SHBA duhet të lexojnë për kushtëzimet këtu për më shumë informacion.
  • A po operon transporti publik? Po.
    • Maskat janë të detyrueshme për çdo individ nga mosha 11 vjeç e sipër, në hapësira të mbyllura dhe të hapura, përfshi dhe transportin publik.
Gjoba për Mos-zbatim:
  • Duke filluar nga data 1 janar 2021, do të ketë një mbyllje nga ora 22:00 deri më 6:00 të mëngjesit, duke përjashtuar shërbimin në banesë, apo shërbimet e emergjencës.  Portali e-Albania duhet të përdoret që të kërkohet leje për të lëvizuar brenda këtij orari.  Moz-zbatimi i këtij rregulli mund të rezultojë me një masë administrative prej 10,000 Leke.
  • Duke filluar nga data 15 tetor, mbajtja e maskës është e detyrueshme në Shqipëri për çdo individ nga mosha 11 vjeç e sipër, në hapësira të mbyllura dhe të hapura.  Moz-zbatimi i këtij rregulli mund të rezultojë me një masë administrative prej 3,000 Leke.
  • Udhëzuesi i Ministrisë mund të gjendet në faqen e tyre të internetit këtu.
  • Për më shumë informacion telefononi numrin e gjelbër 0-800-4040.
Shërbimet Konsullore:
  • Ambasada e SHBA-së në Tiranë ka rifilluar të ofrojë shërbime të kufizuara që prej datës 2 dhjetor 2020, ku përfshihen aplikimet dhe rinovimet e pasaportave, Raportet Konsullore të Lindjes Jashtë SHBA-së (CRBA) dhe shërbimet noteriale. Disponueshmëria e datave dhe orareve të takimit është e kufizuar pasi na lejon të marrim masa paraprake për të siguruar shëndetin dhe mirëqenien e të gjithë punonjësve të Ambasadës, si dhe atyre që u shërbejmë. Koha e pritjes për takimet mund të jetë më e gjatë se normalja.  Ju mund të caktoni një takim duke vizituar faqen tonë të internetit.
  • Për informacion në lidhje me marrjen e një pasaporte për të udhëtuar urgjent, ju lutemi vizitoni faqen tonë të internetit.
  • Nëse po kërkoni një shërbim emergjent na shkruani në adresën ACSTirana@state.gov.
  • Momentalisht zyra jonë po proceson këto lloj vizash:
    • Kërkesa për viza jo-imigruese për emergjencë mjeksore dhe humanitare.
    • Kërkesa për viza imigruese për emergjencë mjeksore dhe humanitare vetëm për bashkëshortët dhe fëmijët e nënshtetasve Amerikanë.
Burimet Lokale: