Deklaratë për Shtyp e Sekretarit të Shtetit Rex W. Tillerson

Mbi Fjalimin e Presidentit Trump në Seancën e Përbashkët të Kongresit

Ashtu si Presidenti e paraqiti në fjalimin e tij në Kongres, Departamenti i Shtetit do të vazhdojë të angazhohet në përparimin e interesave të Shteteve të Bashkuara në botë, në bashkëpunim me partnerët dhe aleatët tanë. Ne do të vazhdojmë të mbështesim politikat dhe institucionet që i mbajnë amerikanët të sigurtë, përfshirë një NATO sa më e fortë, ku aleatët përmbushin përgjegjësitë e tyre, një proces emigrimi që kontrollon se kush hyn në vendin tonë, si dhe kufij dhe porte që janë të sigurta. Ne do të punojmë me aleatët për të luftuar vendet që kërcënojnë fqinjët e tyre apo destabilizojnë rajonet e tyre. Politika e jashtme amerikane duhet të mbështesë vlerat tona themelore të lirisë, demokracisë dhe stabilitetit.